വാഷിങ്ടണ്: പ്ലാസ്റ്റിക് എന്ന മാലിന്യത്തെ എങ്ങനെ ഇല്ലാതാക്കാം എന്ന ഏറെ കാലത്തെ അന്വേഷണത്തിന് ഇതാ പ്രകൃതി തന്നെ ഒരു പ്രതിവിധി കണ്ടെത്തിയിരിക്കുന്നു. അനന്തമായ ജൈവ വൈവിധ്യങ്ങളുടെയും ജന്തുജാലങ്ങളുടെയും കലവറയായ ആമസോണ് മഴക്കാടുകളില്നിന്നാണ് പ്ളാസ്റ്റിക്കിനെ ഭക്ഷിക്കുന്ന പ്രത്യേകതരം ഫംഗസിനെ കണ്ടെത്തിയത്. പെസ്റ്റാലോട്ടിയോപ്സിസ് മൈക്രോസ്പോറ എന്നാണ് ഫംഗസിന്റ ശാസ്ത്രനാമം. പ്ളാസ്റ്റിക് കവറുകള്, ചെരിപ്പ് എന്നിവയിലെ പോളിയൂറത്തേന് എന്ന ഘടകത്തെ ഓക്സിജന്റ അഭാവത്തില് ഫംഗസുകള്ക്ക് പ്ളാസ്റ്റിക്കിനെ ഭക്ഷിക്കാനാകും അങ്ങനെ ഈ ഫംഗസ് പ്ലാസ്റ്റിക്കിനെ ഇല്ലായ്മ ചെയ്യുമെന്ന് യേല് സര്വകലാശാലയിലെ ഒരു സംഘമാണ് കണ്ടെത്തിയിരിക്കുന്നത്. ഈ ശ്രമം വിജയിച്ചാല് മാലിന്യ നിര്മാര്ജനത്തില് ലോകം വിപ്ലവകരമായ മാറ്റം ഉണ്ടാകും.
No comments:
Post a Comment