ഇന്തൊനീഷ്യയില് കണ്ടു വരുന്ന നീണ്ട വാലുകളുള്ള, വെള്ളി രോമങ്ങളോടു കൂടിയ മസാക്വെ കുരങ്ങുകളാണ് മീന് പിടിക്കുന്നതായി കണ്ടെത്തിയിരിക്കുന്നത്. എട്ടു വര്ഷത്തിനിടെ മസാക്വെ കുരങ്ങുകള് നാലു തവണ മീന് പിടിച്ച് ഭക്ഷിക്കുന്നതു കണ്ടെത്തിയതായി ദ നേച്ചര് കണ്സര്വന്സിയിലെയും ഗ്രേറ്റ് ഏപ് ട്രസ്റ്റിലെയും ഗവേഷകര് പറഞ്ഞു.
വടക്കന് സുമാത്രയിലെ കാലിമന്ദന് നദിയില് നിന്നാണ് കുരങ്ങുകള് മീന് പിടിക്കുന്നത് കണ്ടെത്തിയത്. പഴങ്ങള്ക്കൊപ്പം ഞണ്ടുകളെയും ഷഡ്പദങ്ങളെയും കുരങ്ങുകള് ഭക്ഷിക്കുന്നത് മുന്പും കണ്ടെത്തിയിട്ടുണ്ട്. എന്നാല് അവ മീന് പിടിക്കുന്നത് ആദ്യമായാണ് കണ്ടെത്തിയത്.
ഏറെ കാലത്തെ ഗവേഷണത്തിനു ശേഷമാണ് കുരങ്ങുകളില് അപൂര്വമായ ഈ ശീലം കണ്ടെത്തിയതെന്ന് എറിക് മെയ്ജാര്ദ് പറഞ്ഞു. കഴിഞ്ഞ മാസം പുറത്തിറക്കിയ ഇന്റര്നാഷനല് ജേര്ണല് ഓഫ് പ്രൈമറ്റോളജിയിലാണ് ഇതേ കുറിച്ചുള്ള പഠന റിപ്പോര്ട്ട് പ്രസിദ്ധീകരിച്ചത്. നേച്ചര് കണ്സര്വന്സിയിലെ മുതിര്ന്ന ശാസ്ത്ര ഉപദേശകനാണ് മെയ്ജാര്ദ്.
ഏതെല്ലാം സാഹചര്യത്തിലാണ് മസാക്വെ കുരങ്ങുകള് മീന്പിടിക്കുന്നതെന്ന് വ്യക്തമായിട്ടില്ല. എന്നാല് പരിസ്ഥിതിയിലെ മാറ്റങ്ങള്ക്കനുസരിച്ച് ജീവികള് പുതിയ ഭക്ഷണ സ്രോതസുകള് തേടുന്നതിന്റെ ഭാഗമായിരിക്കാം ഇതെന്ന് അദ്ദേഹം അഭിപ്രായപ്പെട്ടു. ചക്മ ബബൂണ്സ്, ഒലീവ് ബബൂണ്സ്, ചിംപാന്സി, ഒറാങ്കുട്ടന് തുടങ്ങിയ കുരങ്ങു kവര്ഗക്കാര് മീന് പിടിക്കുന്നത് മുമ്പും കണ്ടെത്തിയിട്ടുണ്ട്.
കെ.വി. രാജേഷ് ManoramaOnline Paristhithi News
തൃക്കരിപ്പൂര്: പാവയ്ക്കയോളം വലിപ്പമുള്ള അപൂര്വയിനം പുഴു കൗതുകമായി. നടക്കാവ് കോളനിയിലെ റിട്ട. വില്ലേജ് അസിസ്റ്റന്റ് എം. ശ്രീധരന്റെ വീട്ടുമുറ്റത്തെ പനിനീര് ചെമ്പകത്തിലാണ് ഭീമന്പുഴുവിനെ കണ്ടെത്തിയത്. 
തലയോലപ്പറമ്പ്: എട്ടുമാസമാണ് പ്രായം. കണ്ടാല് മറ്റേതു കോഴിയെയും പോലെ നല്ല ഉരുണ്ട പിടക്കോഴി. എന്നാല് മുട്ടയിടുന്ന കാര്യത്തില് പുള്ളിച്ചി ആളു വമ്പത്തിയാണ്. നാട്ടിലും മറു നാട്ടിലുമൊന്നും പുള്ളിച്ചിയെ വെല്ലാന് ആരുമുണ്ടെന്ന് തോന്നുന്നില്ല. ഒരിരുപ്പിന് മൂന്നും നാലും മുട്ടയിട്ടാണ് പുള്ളിച്ചി വീട്ടുകാരെയും നാട്ടുകാരെയും ഞെട്ടിക്കുന്നത്. ഒരു തവണ രണ്ടുമുട്ടയിടുന്നതൊക്കെ അത്ര അപൂര്വമല്ലെങ്കിലും ഒരു ദിവസം നാലു മുട്ട വീതം പല തവണ ഇട്ടാണ് പുള്ളിച്ചി റെക്കോഡ് ബുക്കിലേക്ക് ഉരുളുന്നത്. വെള്ളൂര് ഇറുമ്പയം പനങ്കാട്ടില് ഷിബുവിന്റെ വീട്ടിലെ കോഴിയാണ് പുള്ളിച്ചിയെന്ന സുന്ദരി. ഇക്കഴിഞ്ഞ 26-ാം തിയ്യതിയാണ് പുള്ളിച്ചി ഒന്നിച്ച് നാലുമുട്ടയിട്ടത്. ചൊവ്വാഴ്ച മൂന്ന് മുട്ടയിട്ടു. കഴിഞ്ഞ രണ്ട് മാസമായി മിക്ക ദിവസങ്ങളിലും രണ്ടു മുട്ട ഇടുന്നുണ്ടെന്ന് ഷിബുവിന്റെ ഭാര്യ വിജി പറയുന്നു. 
വെല്ലിങ്ടണ്: ലോകത്തെ ഏക വെള്ള കിവിപ്പക്ഷി മനുകുറയ്ക്ക് ശസ്ത്രക്രിയയിലൂടെ പുതുജന്മം. ന്യൂസീലന്ഡിലെ നോര്ത്ത് ഐലന്ഡ് വന്യജീവി കേന്ദ്രത്തിലെ അന്തേവാസിയാണ് ആറ് മാസം പ്രായമുള്ള മനുകുറ. വിശപ്പില്ലായ്മയായിരുന്നു മനുകുറയുടെ അസുഖം. ഒരഴ്ചയായി തീറ്റയെടുത്തിരുന്നില്ല. എക്സ്റേ പരിശോധനയില് ആമാശയ അറയില് രണ്ട് വലിയ കല്ലുകള് കണ്ടു. താമസിയാതെ വെല്ലിങ്ടണിലെ ആസ്പത്രിയില് പ്രവേശിപ്പിച്ചു. ലേസര് ഉപയോഗിച്ച് കല്ല് പൊടിച്ചു കളയുന്ന രണ്ട് ശസ്ത്രക്രിയകള് നടത്തി. 
