കുഴല്മന്ദം: അമ്മക്കിളി പെറ്റമ്മയുടെ മുലപ്പാല് കുടിച്ചുരസിക്കുമ്പോള് ബൊമ്മക്കിളി എങ്ങനെ കുപ്പിപ്പാല് കുടിക്കും? വാശിമൂത്ത ബൊമ്മക്കിളി മറ്റൊരു 'പെറ്റമ്മ'യെ കണ്ടെത്തി പാല് കുടിക്കാന് തുടങ്ങിയത് നാട്ടുകാര്ക്കും വീട്ടുകാര്ക്കും കൗതുകമായി.അമ്മക്കിളിയും ബൊമ്മക്കിളിയും ഇരട്ടപിറന്ന രണ്ട് ആട്ടിന്കുട്ടികളാണ്. തേങ്കുറുശ്ശി കയറംകുളം വി.എം.ആര്. നിവാസില് ബാലന്റെ വീട്ടിലാണ് ഇവരുടെ ജനനം. രണ്ടുകുട്ടികള്ക്ക് വേണ്ടത്ര പാല് തള്ളയാട് ചുരത്തിയില്ല. വീട്ടുടമയായ ബാലന് പ്രശ്നപരിഹാരത്തിനായി രംഗത്തിറങ്ങി.
പെണ്കുട്ടിയായ അമ്മക്കിളി തള്ളയാടിന്റെ പാല് കുടിക്കട്ടെ. ആണ്കുട്ടിയായ ബൊമ്മക്കിളിക്ക് കുപ്പിപ്പാല് നല്കാം. അങ്ങനെ അമ്മക്കിളി തള്ളയുടെ പാല് കുടിക്കാന് തുടങ്ങി. പാവം ബൊമ്മക്കിളിക്ക് കുപ്പിപ്പാല് തീരെ ഇഷ്ടപ്പെട്ടില്ല. കുപ്പിപ്പാല് കുടിക്കാന് കൂട്ടാക്കാതിരുന്ന ബൊമ്മക്കിളിയെ രക്ഷിക്കാന് ബാലന് കണ്ടെത്തിയത് ആടിനെ പട്ടിയാക്കുന്ന ഒരു സൂത്രവിദ്യയാണ്.
ബാലന്റെ വീട്ടിലെ മണി എന്ന പട്ടി പ്രസവിച്ചിട്ട് അധികനാളായില്ല. അതിന്റെ ഓമനക്കുഞ്ഞുങ്ങളെ നാട്ടുകാര് എടുത്തുകൊണ്ടുപോയിരുന്നു. കുഞ്ഞുങ്ങളില്ലാതെ ചുരത്തിയ പാലുമായി നട്ടംതിരിഞ്ഞ മണിയുടെ അടുത്തേക്ക് ബാലന് ബൊമ്മക്കിളിയെ വിട്ടു. ബൊമ്മക്കിളി ഇച്ഛിച്ചതും പാല്, ബാലന് കല്പിച്ചതും പാല്! മണിക്കാണെങ്കില് മുലപ്പാലൊഴിഞ്ഞതിന്റെ ആശ്വാസവും.ഇപ്പോള് ഒരുമാസമായി പട്ടിയമ്മയുടെ പാല്കുടിച്ചാണ് കുഞ്ഞാട് വളരുന്നത്.സൂത്രം ഫലിച്ച സന്തോഷത്തിലാണ് ടെയ്ലറായ ബാലന്. സന്തോഷംപങ്കിടാന് ഭാര്യ ഇന്ദിരയും അമ്മ മീനാക്ഷിയും ഒപ്പമുണ്ട്.
22 Aug 2012 Mathrubhumi News
പെണ്കുട്ടിയായ അമ്മക്കിളി തള്ളയാടിന്റെ പാല് കുടിക്കട്ടെ. ആണ്കുട്ടിയായ ബൊമ്മക്കിളിക്ക് കുപ്പിപ്പാല് നല്കാം. അങ്ങനെ അമ്മക്കിളി തള്ളയുടെ പാല് കുടിക്കാന് തുടങ്ങി. പാവം ബൊമ്മക്കിളിക്ക് കുപ്പിപ്പാല് തീരെ ഇഷ്ടപ്പെട്ടില്ല. കുപ്പിപ്പാല് കുടിക്കാന് കൂട്ടാക്കാതിരുന്ന ബൊമ്മക്കിളിയെ രക്ഷിക്കാന് ബാലന് കണ്ടെത്തിയത് ആടിനെ പട്ടിയാക്കുന്ന ഒരു സൂത്രവിദ്യയാണ്.
ബാലന്റെ വീട്ടിലെ മണി എന്ന പട്ടി പ്രസവിച്ചിട്ട് അധികനാളായില്ല. അതിന്റെ ഓമനക്കുഞ്ഞുങ്ങളെ നാട്ടുകാര് എടുത്തുകൊണ്ടുപോയിരുന്നു. കുഞ്ഞുങ്ങളില്ലാതെ ചുരത്തിയ പാലുമായി നട്ടംതിരിഞ്ഞ മണിയുടെ അടുത്തേക്ക് ബാലന് ബൊമ്മക്കിളിയെ വിട്ടു. ബൊമ്മക്കിളി ഇച്ഛിച്ചതും പാല്, ബാലന് കല്പിച്ചതും പാല്! മണിക്കാണെങ്കില് മുലപ്പാലൊഴിഞ്ഞതിന്റെ ആശ്വാസവും.ഇപ്പോള് ഒരുമാസമായി പട്ടിയമ്മയുടെ പാല്കുടിച്ചാണ് കുഞ്ഞാട് വളരുന്നത്.സൂത്രം ഫലിച്ച സന്തോഷത്തിലാണ് ടെയ്ലറായ ബാലന്. സന്തോഷംപങ്കിടാന് ഭാര്യ ഇന്ദിരയും അമ്മ മീനാക്ഷിയും ഒപ്പമുണ്ട്.
22 Aug 2012 Mathrubhumi News
No comments:
Post a Comment