.

.

Saturday, November 20, 2010

കാട് വിഴുങ്ങി വിഷവള്ളി പടരുന്നു; സൈലന്റ് വാലിയിലെ അപൂര്‍വ്വ വൃക്ഷങ്ങള്‍ നശിക്കുന്നു

വിഷവള്ളി പശ്ചിമഘട്ട താഴ്‌വരയിലേക്കും സൈലന്റ് വാലി ബഫര്‍ സോണിലേക്കും പടര്‍ന്നു. ചോക്കാടന്‍ മലവാരത്തില്‍നിന്ന് പടരുന്ന വിഷവള്ളി കാടിനെ മുഴുവന്‍ വിഴുങ്ങിയാണ് വളരുന്നത്. വിഷവള്ളികയറുന്ന വന്‍വൃക്ഷങ്ങള്‍പോലും ഉണങ്ങുകയാണ്.

ചോക്കാട് മലവാരത്തിന് താഴെയുള്ള സ്വകാര്യ വ്യക്തി കൃഷിഭൂമിയില്‍ പടര്‍ത്തിയ വള്ളിയാണ് അതിരുകള്‍ ഭേദിച്ച് വനമേഖലയാകെ വ്യാപിച്ചിട്ടുള്ളത്. റബ്ബര്‍ തോട്ടത്തിലെ മറ്റുചെടികളുടെ വളര്‍ച്ച തടയുന്നതിന് 25 വര്‍ഷം മുമ്പാണ് വള്ളി വളര്‍ത്തിയത്. കൃഷിയിടത്തിനു തന്നെ ഭീഷണിയാകുമെന്ന് കണ്ടതോടെ തോട്ടത്തില്‍നിന്ന് വിഷവള്ളി പൂര്‍ണമായും നീക്കം ചെയെ്തങ്കിലും പുറത്തേക്ക് വ്യാപിച്ച വള്ളി മലവാരത്തിലേക്ക് പടര്‍ന്നിരുന്നു. മറ്റ് ചെടികളെവിഴുങ്ങി വളരെപെട്ടെന്നാണ് വള്ളി വളരുന്നത്.

വെട്ടിമാറ്റിയാലും വിഷവള്ളിനീക്കം ചെയ്യാന്‍ കഴിയുകയില്ല. വള്ളിയുടെ വേരൂന്നിയഭാഗം കണ്ടുപിടിച്ച് കിളച്ച് പറിച്ച് കളയുകതന്നെ വേണം. സ്വകാര്യ വ്യക്തികള്‍ കൃഷിയിടങ്ങളുടെ സംരക്ഷണാര്‍ഥം വള്ളികള്‍ നീക്കം ചെയെ്തങ്കിലും വനമേഖലയിലേക്ക് പടര്‍ന്ന വിഷവള്ളി നശിപ്പിക്കാന്‍ നടപടിയുണ്ടായിട്ടില്ല.

ചോക്കാട് വനസംരക്ഷണ സമിതിയുടെ കീഴില്‍ സൈലന്റ് വാലി ബഫര്‍ സോണില്‍ ചോക്കാട്മലവാരത്തില്‍ വെച്ചുപിടിപ്പിച്ച തൈവൃക്ഷങ്ങള്‍ പൂര്‍ണമായും വള്ളി പടര്‍ന്ന് ഉണങ്ങിയിട്ടുണ്ട്. കണിക്കൊന്ന, ഇരുട്ടി, നെല്ലി തുടങ്ങിയ വൃക്ഷങ്ങളാണ് നശിച്ചിട്ടുള്ളത്.

വിഷവള്ളിയുടെ പടര്‍പ്പ് തടയാന്‍ കഴിയാതെവന്നാല്‍ പശ്ചിമഘട്ടത്തിന്റെ പ്രധാന വനമേഖലയെക്കൂടി വിഴുങ്ങുമെന്നാണ് കര്‍ഷകര്‍ പറയുന്നത്. ചോക്കാട് മലവാരത്തില്‍ ആദിവാസികള്‍ക്ക് പതിച്ചുകൊടുത്ത ഭൂമിയിലും വള്ളിപടര്‍ന്ന് വിളകള്‍ നശിച്ചിട്ടുണ്ട്.


mathrubhumi malappuram news 14 Nov 2010

No comments:

Post a Comment

Follow by Email

Related Posts Plugin for WordPress, Blogger...

താളുകളില്‍

"നിങ്ങളുടെ അഭിപ്രായങ്ങളും നിര്‍ദ്ദേശങ്ങളും tanalmaram@gmail.com എന്ന ഇമെയില്‍ വിലാസത്തില്‍ അറിയിക്കുക