പുത്തൂര്‍: കുളക്കട ആലപ്പാട് ദേവീക്ഷേത്രത്തിലെ ധ്വജപ്രതിഷ്ഠാപൂജകള്‍ക്കിടെ ബലിക്കല്ലില്‍ പറന്നുവന്നിരുന്ന ചിത്രശലഭം ഭക്തജനങ്ങള്‍ക്ക് കൗതുകമായി. കഴിഞ്ഞ ദിവസം രാവിലെയാണ് ചിത്രശലഭം ക്ഷേത്രത്തിലെത്തിയത്. ചുവന്ന പട്ടുവിരിച്ച ബലിക്കല്ലില്‍ മണിക്കൂറുകളോളം ഇരുന്ന ചിത്രശലഭത്തെ കാണാന്‍ നിരവധി പേരാണ് എത്തിയത്. ഇരുചിറകുകളും വിടര്‍ത്തിയാല്‍ 30 സെന്റി മീറ്ററിലധികം നീളമുള്ളതാണ് ചിത്രശലഭം. ചിറകുകള്‍ക്ക് ഇരുവശവും പാമ്പിന്റെ ആകൃതിയാണ്. തലയില്‍ ചിറകുകള്‍പോലെയുള്ള രണ്ട് ഭാഗങ്ങള്‍ വിടര്‍ന്നുനില്‍പ്പുണ്ടായിരുന്നു. നിശാശലഭങ്ങളുടെ ഗണത്തില്‍പ്പെട്ടതാകാം ഇതെന്ന് ജന്തുശാസ്ത്രഗവേഷണവിദ്യാര്‍ത്ഥികള്‍ പറഞ്ഞു.
14 Jul 2011 mathrubhumi kollam news
No comments:
Post a Comment