തീരക്കടലില്‍ ഇത്തരം മത്സ്യബന്ധനം നിരോധിച്ചിട്ടുള്ളതാണെങ്കിലും നടപടിയെടുക്കാന്‍ ഫിഷറീസ്‌ വകുപ്പ്‌ മടികാണിക്കുകയാണ്. വലകളിലും ബോട്ടുകളിലും എഞ്ചിന്‍റെ പ്രൊപ്പല്ലറുകളിലും കുടുങ്ങുന്ന ആമകള്‍ ചത്ത്‌ പോകാറാണ് പതിവ്‌. മത്സ്യത്തൊഴിലാളികള്‍ ഇവയെ കടലില്‍തന്നെ വലിച്ചെറിയും. തിരകള്‍ക്കൊപ്പം തീരത്തേക്കെത്തുന്ന ചത്ത കടലാമകള്‍ കാക്കകള്‍ക്കും പട്ടികള്‍ക്കും ഭക്ഷണമാകാറാണ് പതിവ്‌. ചാവക്കാട് കടപ്പുറത്ത്‌ സീസണില്‍ നൂറുകണക്കിന് കടലാമകളാണ് കരയ്ക്ക്കയറി മുട്ടയിട്ട് പോകുന്നത്. കടലാമകളെ സംരക്ഷിക്കാനെന്നപേരില്‍ പ്രവര്‍ത്തിക്കുന്ന സംഘടനകളുടെ അമിതമായ ഇടപെടലുകളും കടലാമാകള്‍ക്ക് ദുരിതമാകുന്നുണ്ടെന്ന് ഫോറസ്റ്റ് അധികൃതര്‍ ചൂണ്ടിക്കാട്ടി. ചാവക്കാട് കടപ്പുറം കടലാമ സംരക്ഷിത കേന്ദ്രമായി പ്രഖ്യാപിച്ച് കടലിലും കരയിലും കടലാമാകള്‍ക്ക് സംരക്ഷണമൊരുക്കാനുള്ള പദ്ധതികള്‍ ഉടന്‍ തുടങ്ങണമെന്ന് പരിസ്ഥിതി പ്രവര്‍ത്തകരും പൊതുപ്രവര്‍ത്തകരും ആവശ്യപ്പെട്ടു..
06-04-12 chavakkadonline.com News
No comments:
Post a Comment