മേളയെ കുറിച്ചറിഞ്ഞ് കുടുംബത്തോടൊപ്പം വിദൂരങ്ങളില്‍നിന്നും നിരവധിപേര്‍ പ്രകൃതി പാനീയങ്ങളുടെ രുചിയറിയാന്‍ എത്തുന്നുണ്ട്. രാവിലെ പത്ത്‌മണിമുതല്‍ വൈകീട്ട് ആറുമണിവരെ പനീയങ്ങള്‍ ലഭിക്കും. ഞായറാഴ്ച മേള അവസാനിക്കും. നെല്ലിക്കാ സംഭാരം, പറങ്കി പാനീയം, ചെറുനാരങ്ങാ സംഭാരം, ഈത്തപ്പഴ പാനീയം, കാരറ്റ് പാനീയം നെല്ലിക്കാ പാനീയം തുടങ്ങി മണ്‍കുടത്തില്‍ തണുപ്പിച്ച നിരവധി പ്രകൃതി പാനീയങ്ങള്‍ ഇവിടെ ഒരുക്കിയിട്ടുണ്ട്.
കഴിഞ്ഞ ഇരുപത്തിയഞ്ച് വര്‍ഷത്തിനുള്ളില്‍ വൃക്ക രോഗികളുടെ എണ്ണം ക്രമാതീതമായി വര്‍ദ്ധിച്ചുവെന്നും ഇതിന്‍റെ പ്രധാനകാരണം നമ്മുടെ ഭക്ഷണ സംസ്കാരത്തില്‍ വന്ന മാറ്റമാണെന്നും സ്വാഗത സംഘം കണ്‍വീനര്‍ ഡോ. പി എ രാധാകൃഷ്ണന്‍ ചാവക്കാട്‌ ഓണ്‍ലൈന്‍ ലേഖകനോട് പറഞ്ഞു. മാര്‍ക്കറ്റില്‍ ലഭിക്കുന്ന രാസവസ്തുക്കള്‍ ചേര്‍ത്ത കൃത്രിമ പാനീയങ്ങളും ആഹാരങ്ങളും ഒഴിവാക്കി പ്രകൃതിയിലേക്ക് മടങ്ങുകയാണ് മാരകരോഗങ്ങളില്‍നിന്നും രക്ഷപ്പെടാനുള്ള ഒരു മാര്‍ഗമെന്ന് അദ്ദേഹം പറഞ്ഞു. വൃക്കരോഗത്തെ കുറിച്ചും രോഗം വരാതിരിക്കാനുള്ള വഴികളെകുറിച്ചും ജനങ്ങളെ ബോധവല്‍ക്കരിക്കുന്നതിന് വേണ്ടിയാണ് എട്ടുദിവസത്തെ ഈ പരിപാടി സംഘടിപ്പിച്ചതെന്ന് അദ്ദേഹം പറഞ്ഞു. സമാപനദിവസമായ ഞായറാഴ്ച നടക്കുന്ന സമാപന സമ്മേളനം ആലങ്കോട് ലീലാകൃഷ്ണന്‍ ഉദ്ഘാടനം ചെയ്യും. വൈകുന്നേരം ഏഴുമണിക്ക്‌ ഇടനിലങ്ങള്‍ എന്ന നാടകവും അരങ്ങേറും.
07-04-12 chavakkadonline.com News
No comments:
Post a Comment