ഭൂജല വര്‍ധന പ്രവര്‍ത്തനങ്ങള്‍ക്കു സംഭാവന ചെയ്ത മികച്ച സ്ഥാപനത്തിനുള്ള അംഗീകാരമാണിത്. മലയാളികളില്‍ മഴസംഭരണശീലം പരിചയപ്പെടുത്താനും ജലപരിസ്ഥിതി സംരക്ഷണത്തെക്കുറിച്ച് അവബോധം സൃഷ്ടിക്കാനും 2004 മുതല്‍ പലതുള്ളി പദ്ധതിയിലൂടെ മനോരമ നടത്തിയ പ്രവര്‍ത്തനങ്ങളാണു പുരസ്കാരത്തിന് അര്‍ഹമായത്. ഇന്നു 11.30നു വിജ്ഞാന്‍ ഭവനില്‍ നടക്കുന്ന ചടങ്ങില്‍ പലതുള്ളി പദ്ധതിയുടെ വിശദാംശങ്ങള്‍ മാത്യൂസ് വര്‍ഗീസ് അവതരിപ്പിക്കും.
ഭൂജല സംരക്ഷണവും പ്രകൃതി പരിപാലനവും മുന്‍നിര്‍ത്തിയുള്ള പ്രവര്‍ത്തനങ്ങളില്‍ മികവു കാട്ടിയ പത്തനംതിട്ട ജില്ലയിലെ പള്ളിക്കല്‍ ഗ്രാമപഞ്ചായത്തിനുവേണ്ടി പ്രസിഡന്റ് പി.ബി. ഹര്‍ഷകുമാര്‍ പുരസ്കാരം ഏറ്റുവാങ്ങി. പഞ്ചായത്തിലുടനീളം ഒന്നരലക്ഷത്തോളം മഴക്കുഴികള്‍ നിര്‍മിക്കുകയും ഒരുലക്ഷം വൃക്ഷത്തൈകള്‍ നട്ടുപിടിപ്പിക്കുകയും ചെയ്ത ഹരിതം പദ്ധതിക്കാണു പുരസ്കാരം.
കഴിഞ്ഞ വര്‍ഷം പത്തനംതിട്ട ജില്ലയില്‍ പഞ്ചായത്തു പ്രസിഡന്റുമാര്‍ക്കായി മലയാള മനോരമയുടെ നേതൃത്വത്തില്‍ സംഘടിപ്പിച്ച ചടങ്ങാണ്, നൂതന ആശയങ്ങള്‍ ആവിഷ്കരിക്കാന്‍ പഞ്ചായത്തിനു പ്രേരണയായത്. നൂതന ആശയങ്ങള്‍ നടപ്പാക്കുന്ന പഞ്ചായത്തുകള്‍ക്കു കേന്ദ്ര സര്‍ക്കാര്‍ പ്രോല്‍സാഹനവും പാരിതോഷികവും നല്‍കുമെന്ന് അന്നു ചടങ്ങില്‍ മുഖ്യാതിഥിയായിരുന്ന പ്രധാനമന്ത്രിയുടെ മുഖ്യ ഉപദേഷ്ടാവ് ടി.കെ.എ. നായര്‍ അറിയിച്ചതാണ്, ഹരിതം പദ്ധതി എന്ന ആശയത്തിനു ജന്മം നല്‍കിയതെന്നു ഹര്‍ഷകുമാര്‍ പറഞ്ഞു.
Manoramaonline >> Environment >> News
No comments:
Post a Comment