ചെറായി ബീച്ചിലേക്ക് സഞ്ചാരികളുടെ പ്രവാഹം

കൊച്ചി: ചെറായി ബീച്ചിന്റെ സൗന്ദര്യം നുകരാന്‍ വിദേശീയരുള്‍പ്പെടെയുള്ള സഞ്ചാരികളുടെ ഒഴുക്ക് തുടരുന്നു. ബീച്ച് ടൂറിസം മേള ആരംഭിച്ചതോടെ ആയിരങ്ങളാണ് ദിവസവും ചെറായി ബീച്ചില്‍ എത്തുന്നത്. 31 ന് വൈകീട്ട് നടക്കുന്ന ഗജമേള ആസ്വദിക്കാന്‍ നൂറുകണക്കിന്‌വിദേശികള്‍ റിസോര്‍ട്ടുകളില്‍ ഇടം പിടിച്ചു കഴിഞ്ഞു.

2001 ലാണ് ചെറായിയില്‍ ബീച്ച് ടൂറിസം മേള അരങ്ങേറിയത്.പതിറ്റാണ്ടിനിടെ ചെറായി ബീച്ച് ലോക ഭൂപടത്തില്‍ സ്ഥാനം പിടിച്ചു. പുതുവര്‍ഷത്തിന് ദിവസങ്ങള്‍ ബാക്കി നില്‍ക്കെ ചെറായി ബീച്ച് വിനോദ സഞ്ചാരികളുടെ പറുദീസയായി മാറി.കുഴുപ്പിള്ളി, ചെറായി, മുനമ്പം എന്നീ മൂന്ന് ബീച്ച് വിനോദ സഞ്ചാര കേന്ദ്രവും ജില്ലാ ടൂറിസം പ്രൊമോഷന്‍ കൗണ്‍സിലിന്റെ കീഴിലാണ്.

Posted on: 29 Dec 2011 Mathrubhumi Eranamkulam News.