.

.

Wednesday, February 1, 2012

പെരിയാര്‍ ടൈഗര്‍ റിസര്‍വിന് പുതിയ മുഖം

റാന്നി ഫോറസ്റ്റ് ഡിവിഷനില്‍ ഗൂഡ്രിക്കല്‍ റേഞ്ചില്‍പ്പെട്ട 148 ചതുരശ്ര കിലോമീറ്റര്‍ വനമേഖല പെരിയാര്‍ ടൈഗര്‍ റിസര്‍വ് ഫോറസ്റ്റിnലേക്ക്. ഇതോടെ പെരിയാര്‍ടൈഗര്‍ റിസര്‍വ് ഫോറസ്റ്റിന്റെവിസ്തീര്‍ണം 811 ചതുരശ്ര കിലോമീറ്ററാകും. രണ്ട് വര്‍ഷമായി വനപാലകര്‍നടത്തിവന്ന നടപടി ക്രമങ്ങള്‍ക്കാണ് ഇതോടെ വിരാമമാകുന്നത്.
ഗൂഡ്രിക്കല്‍ റേഞ്ചിന്റെ അധീനതയില്‍ ഉണ്ടായിരുന്ന 654 ചതുരശ്ര കിലോമീറ്റര്‍ വിസ്തൃതി വരുന്ന വനമേഖലയില്‍ നിന്നു പച്ചക്കാനം ഫോറസ്റ്റ് സ്റ്റേഷനിലെ 89 ചതുരശ്ര കിലോമീറ്റര്‍ സ്ഥലം വള്ളക്കടവ് റേഞ്ചിലേക്കും പ്ളാപ്പള്ളി ഫോറസ്റ്റ് സ്റ്റേഷനില്‍പ്പെട്ട59 ചതുരശ്ര കിലോമീറ്റര്‍ സ്ഥലംപമ്പാ റേഞ്ചിലേക്കുമാണ് കൈമാറുന്നത്. കഴിഞ്ഞ ദിവസംഹൈറേഞ്ച് സര്‍ക്കിള്‍ സിസിഎഫ് ബെന്നിച്ചന്‍ തോമസ്, സൌത്ത് റീജനല്‍ സിസിഎഫ് മോഹന്‍ദാസ്, പെരിയാര്‍ ഈസ്റ്റ് ഡപ്യൂട്ടി ഡയറക്ടര്‍ സഞ്ജയന്‍കുമാര്‍,കോട്ടയം പ്രോജക്ട് ഡയറക്ടര്‍ സുബ്രഹ്മണ്യം, റാന്നി ഡിഎഫ്ഒ ആര്‍. കമലഹാര്‍, പെരിയാര്‍വെസ്റ്റ് ഡപ്യൂട്ടി ഡയറക്ടര്‍ സുനില്‍കുമാര്‍, ഗൂഡ്രിക്കല്‍ റേഞ്ച് ഓഫിസര്‍ എച്ച്. ടി.ജോസ്, പമ്പാ റേഞ്ച് ഓഫിസര്‍രാജേന്ദ്രപിള്ള, വള്ളക്കടവ് റേഞ്ച് ഓഫിസര്‍ സി. വി. സോമന്‍ തുടങ്ങിയവരുള്‍പ്പെട്ട ഉന്നത വനപാലകര്‍ ഗവിയില്‍ എത്തി സ്ഥലപരിശോധന പൂര്‍ത്തിയാക്കിയിരുന്നു.

നാഷനല്‍ ടൈഗര്‍ കണ്‍സര്‍വേഷന്‍ അതോറിറ്റിയുടെനിര്‍ദേശപ്രകാരം കടുവകളുടെസുഗമമായ വളര്‍ച്ചയ്ക്കും ആവാസകേന്ദ്രം ശക്തിപ്പെടുത്തുന്നതിന്റെയും ഭാഗമായാണ് ഇത്രയുംസ്ഥലം കൂടി പെരിയാര്‍ ടൈഗര്‍റിസര്‍വിന്റെ ഭാഗമാക്കുന്നത്. കടുവകളുടെ സുഗമമായ വളര്‍ച്ചയ്ക്ക് 800 മുതല്‍ ആയിരം സ്ക്വയര്‍കിലോമീറ്റര്‍ സ്ഥലം വേണം.ഗൂഡ്രിക്കല്‍ റേഞ്ചിന്റെ കണ്ണായസ്ഥലങ്ങളായ പൊന്നമ്പലമേട്, വരയാടിന്‍കൊക്ക, ചന്താമരകൊക്ക, കൊച്ചുപമ്പയുടെ കുറെഭാഗങ്ങള്‍, ആനത്തോട് ഡാമിനുസമീപം വരുന്ന ഭാഗങ്ങള്‍ തുടങ്ങിയവ പെരിയാര്‍ ടൈഗര്‍ റിസര്‍വിലേക്ക് മാറും.
ഗവി കെഎഫ്ഡിസി, കൊച്ചുപമ്പാ കെഎസ്ഇബി എന്നിവരുടെ അധീനതയിലുള്ള സ്ഥലങ്ങള്‍ തല്‍സ്ഥിതിതുടരും. സ്ഥലം കൈമാറുന്നതിനൊപ്പം വര്‍ക്കിങ് അറേഞ്ച്മെന്റില്‍ഗൂഡ്രിക്കല്‍ റേഞ്ചിലുള്ളകുറച്ച് ഉദ്യോഗസ്ഥരെയും നല്‍കാന്‍ ധാരണയായിട്ടുണ്ട്. ആനത്തോട് ഡാമിനു സമീപം ഐസിടണല്‍ റോഡിനോടു ചേര്‍ന്ന് പെരിയാര്‍ ടൈഗര്‍ റിസര്‍വ് ഫോറസ്റ്റിന്റെ സ്റ്റേഷന്‍ നിര്‍മിക്കുന്നജോലികള്‍ പൂര്‍ത്തിയായിക്കഴിഞ്ഞു. സ്റ്റേഷന്റെ പ്രവര്‍ത്തനവുംഉടന്‍ ആരംഭിക്കും. പച്ചക്കാനംസ്റ്റേഷനും ഇതോടെ സ്ഥാനചലനമുണ്ടാകും.
Manoramaonline >> Environment >> News

No comments:

Post a Comment

Follow by Email

Related Posts Plugin for WordPress, Blogger...

താളുകളില്‍

"നിങ്ങളുടെ അഭിപ്രായങ്ങളും നിര്‍ദ്ദേശങ്ങളും tanalmaram@gmail.com എന്ന ഇമെയില്‍ വിലാസത്തില്‍ അറിയിക്കുക