രാജവെമ്പാലകളുടെ പ്രത്യുത്പാദനം കൃത്രിമ സാഹചര്യത്തില്‍ നടത്താന്‍ 2007 നവംബറില്‍ പിലിക്കുള നിസര്‍ഗധാമിന് കേന്ദ്ര മൃഗശാല അതോറിറ്റി അനുമതി നല്‍കിയിരുന്നു. എന്നാല്‍ നിരന്തര നിരീക്ഷണങ്ങളും പഠനങ്ങളും ആവശ്യമായി വന്നതിനാല്‍ പദ്ധതിയുടെ നടത്തിപ്പ് വൈകി.
ഒമ്പത് ആണ്‍ രാജവെമ്പാലകളും അഞ്ച് പെണ്‍ രാജവെമ്പാലകളും ഉദ്യാനത്തില്‍ ഉണ്ടായിരുന്നെങ്കിലും നാലു ജോഡികളെയാണ് അധികൃതര്‍ ഇണചേര്‍ക്കാന്‍ തിരഞ്ഞെടുത്തത്. ഇണചേരല്‍ പൂര്‍ത്തിയായി 52 ദിവസം തികയുമ്പോഴേക്കും പെണ്‍പാമ്പുകള്‍ മുട്ടയിട്ടു. ഇതില്‍ നിന്ന് 82 മുട്ടകളാണ് അടവെച്ചത്.
കുഞ്ഞ് രാജവെമ്പാലകള്‍ക്ക് 17 ഇഞ്ച് നീളമുണ്ട്. പ്രായപൂര്‍ത്തിയായ രണ്ടുപേരെ അരമണിക്കൂറിനകം കൊല്ലാന്‍ ആവശ്യമായ വിഷം ഓരോ കുഞ്ഞിനും ഉണ്ടെന്ന് ഡയറക്ടര്‍ പത്രലേഖകരോട് പറഞ്ഞു. രാജവെമ്പാലകളുടെ ഇത്തരത്തിലുള്ള പരീക്ഷണപ്പിറവി ലോകത്ത് ആദ്യത്തേതാണെന്ന് പദ്ധതിക്ക് നേതൃത്വം നല്‍കിയവര്‍ പറഞ്ഞു.
ടി.പി.രാജീവന്‍ 03 Aug 2011 mathrubhumi kerala news
No comments:
Post a Comment