.

.

Tuesday, August 2, 2011

മലനാട്ടില്‍ കാട്ടുചോലകള്‍ കണ്‍തുറന്നു

കമ്പിളികണ്ടം (ഇടുക്കി):ഹൈറേഞ്ചിലെ മലമേടുകളിലും വനപ്രദേശങ്ങളിലും ഉറവച്ചാലുകളുടെ ഹൃദയംതുറന്ന് കാട്ടുചോലകള്‍ കണിയൊരുക്കി. കനത്തമഴയില്‍ മലഞ്ചെരുവുകളില്‍ പാല്‍പ്പതച്ചാര്‍ത്തുമായി നിരവധി നീര്‍ച്ചാലുകളാണ് പ്രത്യക്ഷപ്പെട്ടത്. ലോവര്‍ പെരിയാര്‍, പാമ്പള വനമേഖലയില്‍മാത്രം ഒരുഡസനിലധികം നീര്‍ച്ചാലുകള്‍ രൂപപ്പെട്ടിട്ടുണ്ട്.

മലകളുടെ മുടികളില്‍ ഉദ്ഭവിക്കുന്ന ചെറുചാലുകള്‍ താഴേക്ക് ഒഴുകുന്നതിനിടെ കൂടുതല്‍ ഉറവച്ചാലുകളുമായി സംഗമിച്ച് ശക്തമായ നീരൊഴുക്കായി താഴ്‌വരയിലെത്തുന്നു. പെരിയാറിലാണ് കാട്ടുചോലകള്‍ സംഗമിക്കുന്നത്.

മഴക്കാലം ആസ്വദിക്കാന്‍ മലനാട്ടിലെത്തുന്ന സഞ്ചാരികള്‍ക്ക് കാട്ടുചോലകള്‍ കണ്ണിന് ഹരം പകരുന്നു. ഡിസംബര്‍വരെ വെള്ളച്ചാട്ടങ്ങളുടെയും നീരൊഴുക്കുകളുടെയും ദൃശ്യവിരുന്ന് മലയോരഗ്രാമങ്ങളിലുണ്ടാകും. കഴിഞ്ഞ രണ്ടാഴ്ചയ്ക്കുള്ളിലാണ് ചോലകള്‍ മിക്കതും പ്രത്യക്ഷമായത്.

31 Jul 2011 mathrubhumi idukki news

No comments:

Post a Comment

Follow by Email

Related Posts Plugin for WordPress, Blogger...

താളുകളില്‍

"നിങ്ങളുടെ അഭിപ്രായങ്ങളും നിര്‍ദ്ദേശങ്ങളും tanalmaram@gmail.com എന്ന ഇമെയില്‍ വിലാസത്തില്‍ അറിയിക്കുക