ആറ്റോരങ്ങളിലും കുറ്റിക്കാടുകളിലുമായി ഹെനിയന്‍തു എന്ന നാമത്തിലുള്ള മഞ്ഞപ്പൂക്കള്‍ ഇടതിങ്ങി നില്‍ക്കുന്നതു മനോഹര കാഴ്ചയാണ്. ഇതിനിടയില്‍ മറ്റ് പലതരം ചെടികളും പൂവിട്ടു നില്‍ക്കുന്നു. വെളുത്ത കോളാമ്പി പൂക്കളുമായി ബെറ്റൂറ്റ സ്ട്രോമോണിയന്‍ എന്ന സസ്യം കുലകുലയായി പൂവിട്ടു നില്‍ക്കുന്നതും കാണാം. അഞ്ചോളം വകഭേദത്തിലുള്ള ഉണ്ണിച്ചെടി പൂക്കളും മോണിങ് ഗ്രോറിയുടെ മൂന്നു തരം പൂക്കളും കാട്ടുഡാലിയ കുറ്റിക്കാടുകളില്‍ പൂവിടുന്നതും വരെ കാണാം.
ഇതിനിടയില്‍ ലിയ സ്പെത്തോഡിയ മരം പൂവിട്ടു നില്‍ക്കുന്നതും മനോഹരമായ കാഴ്ചയാണ്. ചെറുതും വലുതുമായ നിരവധി ചെടികളാണ് ഈ സമയം പൂവിടുന്നത്. വലിയ മഴ കഴിഞ്ഞാലുടന്‍ തന്നെ കാട്ടുചെടികള്‍ പൂവിടല്‍ ആരംഭിക്കും.
16.10.2011 ManoramaOnline Idukki News
No comments:
Post a Comment