നെയ്‌റോബി: നൊബേല്‍ സമ്മാന ജേതാവും പരിസ്ഥിതി പ്രവര്‍ത്തകയുമായ വങ്കാരി മാത്തായി (71) അന്തരിച്ചു. അര്‍ബുദ ബാധയെ തുടര്‍ന്ന് നെയ്‌റോബിയിലെ ആസ്പത്രിയില്‍ ചികിത്സയിലായിരുന്നു. നൊബേല്‍ സമ്മാന ജേതാവാകുന്ന ആദ്യ ആഫ്രിക്കന്‍ വനിതയാണ് മാത്തായി. 2004 ലാണ് പരിസ്ഥിതി പ്രവര്‍ത്തനങ്ങള്‍ക്ക് നൊബേല്‍ സമ്മാനം ലഭിച്ചത്. മരിക്കുമ്പോള്‍ ബന്ധുക്കളും സുഹൃത്തുക്കളും മാത്തായിയുടെ അടുത്ത് ഉണ്ടായിരുന്നുവെന്ന് ഗ്രീന്‍ ബെല്‍റ്റ് മൂവ്‌മെന്റ് അധികൃതര്‍ പറഞ്ഞു. വെറ്റിനറി അനാട്ടമി പ്രൊഫസര്‍ ആയിരുന്ന മാത്തായി 80 കളിലും 90 കളിലും നടത്തിയ പരിസ്ഥിതി പ്രവര്‍ത്തനങ്ങളെ തുടര്‍ന്നാണ് ലോകശ്രദ്ധ നേടിയത്. 70 കളില്‍ കെനിയയിലെ റെഡ് ക്രോസിന്റെ മേധാവിയായും പ്രവര്‍ത്തിച്ചിട്ടുണ്ട്.
No comments:
Post a Comment