.

.

Sunday, February 5, 2012

വനമിത്രമായി സലിം

ജൈവ വൈവിധ്യങ്ങളുടെ സംരക്ഷണത്തിനായി പോരാട്ടം നടത്തുന്ന സലിം പിച്ചന് ഒടുവില്‍ അര്‍ഹിച്ച അംഗീകാരം. ജൈവ വൈവിധ്യ രംഗത്തെ മികച്ച പ്രവര്‍ത്തനങ്ങള്‍ക്കുള്ള സംസ്ഥാന വനം വന്യജീവി വകുപ്പിന്റെ വനമിത്ര അവാര്‍ഡ് നല്‍കിയാണ് സലിമിന്റെ പ്രവര്‍ത്തനങ്ങളെ അംഗീകരിച്ചത്.

മധ്യ ഭാരതത്തിലും ഡക്കാന്‍ പീഠഭൂമികളിലും മാത്രമായി കണ്ടിരുന്ന അപൂര്‍വ ഇനങ്ങളില്‍ പെട്ട ഒൌഷധ സസ്യങ്ങളെ ജൈവ വൈവിധ്യങ്ങളുടെ കലവറയായ വയനാട്ടില്‍ നിന്നു ശാസ്ത്രലോകത്തിനു പരിചയപ്പെടുത്തിയതില്‍ സലിം പ്രധാന പങ്കു വഹിച്ചിട്ടുണ്ട്. ശാസ്ത്രലോകം ഇതുവരെ കണ്ടിട്ടില്ലാത്ത പുതിയ സസ്യവര്‍ഗങ്ങളെ കണ്ടെത്തി അവയ്ക്ക് നാമകരണം നല്‍കിയതും സലിമിന്റെ ദൌത്യത്തിന്റെ പുത്തന്‍ ഏടുകളാണ്. ജൈവ വൈവിധ്യ രംഗത്ത് സലിം വേറിട്ട ശൈലിക്കും ഉടമയാണ്. നാടന്‍ വിത്തിനങ്ങളുടെ സംരക്ഷണം, ഒൌഷധ സസ്യ പരിപാലനം, കാട്ടുചെടികളുടെ നിലനില്‍പ്, നീര്‍ത്തടങ്ങളിലെ ആവാസ വ്യവസ്ഥയെ സംരക്ഷിക്കല്‍, തദ്ദേശീയ പക്ഷി വര്‍ഗങ്ങളുടെ നിലനില്‍പ്, കാട്ടുതീ തടയുന്നതിനുള്ള പ്രവര്‍ത്തനങ്ങള്‍, പരിസ്ഥിതി-സസ്യ ഫൊട്ടോഗ്രഫിയിലൂടെ പരിസ്ഥിതി സംരക്ഷണം, വംശനാശ ഭീഷണി നേരിടുന്ന ചെടികളെ സംരക്ഷിക്കല്‍ തുടങ്ങിയ പ്രവര്‍ത്തനങ്ങളില്‍ സലിം നിലനിര്‍ത്തുന്ന സൂക്ഷ്മതയും കൃത്യതയും ഇതിനു തെളിവാണ്. സസ്യ വര്‍ഗീകരണ മേഖലയില്‍ ഇന്ന് കേരളത്തില്‍ അറിയപ്പെടുന്ന പാരാടാക്സോണമിസ്റ്റുകളില്‍ ഒരാളായി മാറാനും സലിമിന് ചുരുങ്ങിയ കാലംകൊണ്ട് കഴിഞ്ഞു. പുത്തൂര്‍വയല്‍ എം.എസ്. സ്വാമിനാഥന്‍ ഗവേഷണ കേന്ദ്രത്തിലെ ടെക്നിക്കല്‍ സ്റ്റാഫാണ് പൊഴുതന അത്തിമൂല സ്വദേശിയായ ഇദ്ദേഹം. 1997-98 ലെ നെഹ്റു യുവകേന്ദ്രയുടെ ജില്ലാ യൂത്ത് അവാര്‍ഡ്, 2009 ലെ കണ്‍സ്യൂമര്‍ ഫെഡറേഷന്‍ ഒാഫ് ഇന്ത്യയുടെ അവാര്‍ഡ് തുടങ്ങിയവയ്ക്കും സലിം അര്‍ഹനായിട്ടുണ്ട്.
Manoramaonline >> Environment >> Green Heroes

No comments:

Post a Comment

Related Posts Plugin for WordPress, Blogger...

താളുകളില്‍

"നിങ്ങളുടെ അഭിപ്രായങ്ങളും നിര്‍ദ്ദേശങ്ങളും tanalmaram@gmail.com എന്ന ഇമെയില്‍ വിലാസത്തില്‍ അറിയിക്കുക