.

.

Friday, February 3, 2012

അലങ്കാരത്തിന് തുണിപൊതിഞ്ഞ വൃക്ഷങ്ങള്‍ ഉണങ്ങുന്നു

പറവൂരിലെ പ്രധാന വീഥികളില്‍ അലങ്കാരത്തിനായി ചുവന്ന തുണി പൊതിഞ്ഞ വൃക്ഷങ്ങളുടെ ശിഖരങ്ങള്‍ ഉണങ്ങിത്തുടങ്ങി. ഒരു മാസത്തിലേറെയായി തടിയും ചില്ലകളും തുണികൊണ്ട് മൂടപ്പെട്ട അവസ്ഥയില്‍ നില്‍ക്കുന്ന വൃക്ഷങ്ങള്‍ക്കാണ് വേനല്‍ ശക്തിപ്പെട്ടതോടെ ഉണക്ക് ബാധിച്ചുതുടങ്ങിയത്. ഇത് പ്രകൃതിസ്‌നേഹികളുടെ കടുത്ത പ്രതിഷേധത്തിനിടയാക്കിയിട്ടുണ്ട്.

പറവൂരില്‍ നടന്ന സി.പി.എം. ജില്ലാ സമ്മേളനത്തിന്റെ മുന്നോടിയായി നഗരം ആകെ ചുവപ്പുമയം ആക്കാനാണ് വൃക്ഷങ്ങള്‍ക്ക് ചുവപ്പുതുണി പുതപ്പിച്ചത്. പ്രധാന തടി ഉള്‍പ്പെടെ ചെറു ശിഖിരങ്ങള്‍ വരെ ചുവന്ന തുണി മുറുകെ ചുറ്റി ആണിക്ക് തുല്യമായ സ്ട്രാപ്ലര്‍ അടിച്ചു. സമ്മേളന പരിപാടികള്‍ കഴിഞ്ഞ് മറ്റ് അലങ്കാരങ്ങള്‍ അഴിച്ചുമാറ്റിയെങ്കിലും വൃക്ഷങ്ങളെ വിരിഞ്ഞുമുറുക്കിയ തുണികള്‍ നീക്കം ചെയ്തില്ല.

നഗരത്തിലെ പ്രധാന റോഡുകളിലും ജങ്ഷനുകളിലുമായി തണല്‍വിരിച്ച് നില്‍ക്കുന്ന 12 ഓളം വൃക്ഷങ്ങളില്‍ ഇങ്ങനെ തുണി ചുറ്റിയിട്ടുണ്ട്.വൃക്ഷങ്ങളുടെ ജീവനത്തിന് വിരുദ്ധമായ രീതിയില്‍ ഇത് ചെയ്തതിനെതിരെ പ്രകൃതിസ്‌നേഹികള്‍ക്ക് അമര്‍ഷവും പ്രതിഷേധവുമുണ്ട്. മുസരിസ് പൈതൃക സംരക്ഷണ പദ്ധതി നടപ്പിലാക്കുന്ന പ്രദേശത്താണ് ഈ വൃക്ഷഹത്യ.വൃക്ഷത്തെ പൊതിഞ്ഞ് ശ്വാസം മുട്ടിയ്ക്കുന്ന അവസ്ഥയില്‍നിന്ന് അവയെ രക്ഷിച്ചില്ലെങ്കില്‍ ഈ വേനലില്‍ തന്നെ ഇവ ഉണങ്ങിക്കരിയുമെന്ന് പ്രകൃതിസ്‌നേഹികള്‍ സങ്കടപ്പെടുന്നു.
03 Feb 2012 Mathrubhumi Eranamkulam News

No comments:

Post a Comment

Follow by Email

Related Posts Plugin for WordPress, Blogger...

താളുകളില്‍

"നിങ്ങളുടെ അഭിപ്രായങ്ങളും നിര്‍ദ്ദേശങ്ങളും tanalmaram@gmail.com എന്ന ഇമെയില്‍ വിലാസത്തില്‍ അറിയിക്കുക