വനത്തിനുള്‍ഭാഗത്ത് ജലലഭ്യത കുറഞ്ഞതോടെ വെള്ളംതേടിയെത്തുന്ന വന്യമൃഗങ്ങള്‍ തടാകതീരത്ത് ഏറെ നേരം ചെലവഴിച്ചശേഷമാണ് മടങ്ങുന്നത്.
ആന, കാട്ടുപോത്ത്, മ്ലാവ്, കേഴ തുടങ്ങിയ വന്യമൃഗങ്ങളാണ് കൂടുതലും തടാകതീരത്തെത്തുന്നത്. തേക്കടി ബോട്ട് ലാന്‍ഡിങ്ങിനു സമീപം വരെയും കഴിഞ്ഞ ദിവസം ഇവ കൂട്ടമായി എത്തിയത് വിനോദസഞ്ചാരികള്‍ക്ക് കൗതുകമായി.
തേക്കടി ബോട്ട്‌ലാന്‍ഡിങ്ങിനെതിര്‍വശത്ത് എത്തിയ ആന വെള്ളം കുടിച്ചശേഷം മണിക്കൂറുകളോളം ലാന്‍ഡിങ്ങില്‍ തന്നെ നിലയുറപ്പിച്ചത് കാണാന്‍ ബോട്ട് ടിക്കറ്റ് ലഭിക്കാതെ നിരാശരായി നിന്നവര്‍ കൂട്ടമായി എത്തി. ഇവര്‍ക്ക് ഫോട്ടോ എടുക്കാന്‍ പറ്റുംവിധം ആന തടാകതീരത്തേക്ക് നീങ്ങി നിന്നതോടെ ഫോട്ടോ എടുക്കാന്‍ സഞ്ചാരികള്‍ മത്സരിക്കുകയായിരുന്നു.
29 Jan 2012 Mathrubhumi Idukki News
No comments:
Post a Comment