തൃക്കരിപ്പൂര്‍: പാവയ്ക്കയോളം വലിപ്പമുള്ള അപൂര്‍വയിനം പുഴു കൗതുകമായി. നടക്കാവ് കോളനിയിലെ റിട്ട. വില്ലേജ് അസിസ്റ്റന്റ് എം. ശ്രീധരന്റെ വീട്ടുമുറ്റത്തെ പനിനീര്‍ ചെമ്പകത്തിലാണ് ഭീമന്‍പുഴുവിനെ കണ്ടെത്തിയത്. പാവയ്ക്കയുടെ നിറവും രൂപവുമുള്ള പുഴുവിന് 20 സെ.മീറ്ററോളം വലിപ്പമുണ്ട്. ശരീരത്തിന്റെ ഒരുഭാഗത്ത് നിറയെ മീന്ന് സെ.മീ.നീളമുള്ള കാലുകളും, തലയിലും വാലിലും പൈനാപ്പിള്‍ മുള്ളുകള്‍ പോലെ നീലയും കറുപ്പും നിറത്തിലുള്ള ഭാഗവും ഇതിനുണ്ട്. മറുഭാഗത്ത് പൂര്‍ണമായും വെള്ളി നിറമാണ്. ഏത് വിഭാഗത്തില്‍പ്പെട്ട പുഴുവാണിതെന്ന് തിരിച്ചറിഞ്ഞിട്ടില്ല. പിലിക്കോട് പ്രാദേശിക കാര്‍ഷിക ഗവേഷണ കേന്ദ്രം അധികൃതരെ വിവരമറിയിച്ചിട്ടുണ്ട്.
Posted on: 04 Nov 2011 Mathrubhumi Kasargod news
No comments:
Post a Comment